Klopp-a tan contract thar

Liverpool chuan Oc-tober, 2015-a an manager thar atana an lakluh ve chauh Jurgen Klopp chu contract thar an zawrh. Reds-in an manager contract thar an zawrh chhan hi a hmalam hun chungchanga inhnialna awm thei tur laka lo inven lawk nana an rua-hmannaah ngaih a ni.

Kum 49-a upa Klopp hian Liverpool-ah hian kum 2018 thleng cham a, a ṭul dan a zira kum khat dang pawhsei theih turin contract a nei mek a, khawvela coach hlawh hnem ber pawl ni mekin kum khatah pound mak-taduai 7 a hlawh bawk.

Mahse, German ma-na-ger hian contract thar a ziak a nih chuan pound maktaduai 7 ai hian a hlawh hnem ngei dawn tih a chiang a, khawvela coach hlawh hnem ber ni mek Pep Guardiola (pound maktaduai 15) a phak thuak a nih pawhin a mak lo ang.

Klopp hian Liver-pool-a zawm hmain Bayern Munich rorelna ram Germany-ah Borus-sia Dortmund chu Bun-desliga nomawi vawi hnih a chawipui a, Champions League final a hruai thleng bawk. Season chawhnu lam aṭanga Reds a enkawl hnuah Champions League khel turin hmasawn pui thei lo mah se League Cup leh Europa League-ah final a luhpui thung.