Lakers-in Luol Deng lalut

NBA club ṭha Los Angeles Lakers chuan Luol Deng chu kum thum chhung atan an lalut a, British forward leh Lakers inremna hi pound maktaduai 55 a ni.

Kum 31-a upa Luol Deng hian Cleveland Cavaliers aṭangin kum 2014 khan Miami Heat a zawm a, tun hnai season hnih chhungin Miami tan match 74 khelin a inlan apiangin point 12.3 score anga chawhrual a ni.

NBA All-Star team-a vawi hnih tel tawh Luol Deng chungchang sawiin club general manager Mitch Kupchak chuan, "Ani hi point score tur leh a venhim lam hna thawk turin a ṭangkai kawp a, khel kual thei a nih avangin kan ṭhatpui ka beisei," a ti.

Hetihlai hian Miami Heat guard Dwyane Wade chu Chicago Bulls lamin kum hnih chhung atan dollar maktaduai 47-in inremna an neih pui dawn nia sawi a ni.