Chennaiyin-ah Materazzi a cham zel dawn

Indian Super League champion lai Chennaiyin FC chuan season thar atan an coach ṭanglai Marco Materazzi chu contract thar an ziahpui. South Indian club hian ISL season hmasa ber aṭangin Materazzi hi an coach atan an lo ruai tawh a, season hmasa berah khan semifinal khelin nikumah an champion.

A season thumna atana Chennai club enkawl tur coach chuan, "Chen-naiyin FC ka enkawl chhun-zawm thei tur hi ka lawm takzet a, club neituten ka chunga rinna an nghah chhunzawm zel hi a lawmawm hle. Season hmasa berah vanduai takin final kan khel lo a, nikumah kan champion thung. Tun season-ah pawh tum pakhat kan nei a, chu chu champion leh a ni," tiin an nomawi humhim tura theihtawp a chhuah tur thu a sawi.