Nainggolan-a'n Roma chhuahsan a tum lo

Tun hnaia Chelsea nena sawi-zawm hlawh tak Roma midfielder Radja Nainggolan chuan Serie A club chu chhuahsan tumna a neih loh thu a sawi.

Chelsea manager thar Antonio Conte chil ti put-tu Nainggolan chuan, "Kan club sporting direc-tor Walter Sabatini nen inkawmna kan nei a, engkim a kaltluang vek. Roma-ah hian ka cham dawn a ni," tiin Italian club fan-te tana thu lawmawm a sawi.

Belgium international hian January 2014 khan Roma hi Cagliari
aṭangin loan-in a zawm a, June 2015-ah player nghet ni tura contract ziakin Stadio Olimpico-a player langsar ber pawl a ni der tawh.

Kum 28-a upa mid-fielder hian June 2020 thleng Roma-a cham turin contract a nei a, Euro khelh zawh taka Belgium-in quarterfinal an luh theihna tura player pawimawh pawl niin match nga a inlanah goal ropui pahnih a khung a ni.