Season thar thlirtu Cech

Arsenal goalkeeper Petr Cech chuan Emirates Stadium-a a season khat-naah nomawi chawi lo mah se beiseina nen season thar a thlir thu a sawi chhuak.

Czech Republic in-ternational hian nikum June thla khan Chelsea
aṭangin pound maktaduai 10-in Gunners hi a zawm a, August thla khan a club hlui hi Community Shield-ah an hneh nghal.

Gunners hian beiseina sang tak nen season bul ṭan mah se hun pawimawhah an ruh a no tih a lang. Pre-mier League-ah Lei-ces-ter City tluk loin Champions League aṭangin Barcelona-in an pet chhuak. An no-mawi kawl lai FA Cup pawh Watford lakah humhim zo loin Sheffield Wednesday ngam loin League Cup
aṭangin an tla bawk.

Kum 34-a upa Cech chuan season liam ta thlir-kirin, "Nomawi inchuh turin kan ṭha tawk a, mah se hun pawimawhah kan chetsual avangin engahmah champion loin season kan khar. North London club tana ka season hmasa bera hlawhtlinna ka chang thei lo kha pawi ka ti," a ti.

League match hmasa bera Liverpool an hma-chhawn tur chung-chang sawi zuiin, "Jurgen Klopp kaihhruaina hnuaiah Reds hi team ṭha an ni a, season bul ṭan nana fiahin kan awm nghal tur hi a nuamin a ngaihnawm ang," a ti.

Cech hian Manchester United, Chelsea leh Man-chester City ten manager thar an neih bakah player ṭha an lakluh nual tawh avangin season thar chu inelna a hautak dawn bakah a nawm a beisei thu a sawi tel bawk.