Sania Mirza leh Martina Hingis an tla

Wimbledon hmeichhe double champion lai Sania Mirza leh Mar-tina Hingis ten an nomawi an humhim zo lo a, quarterfinal-ah Timea Babos leh Yaroslava Shve-dova te ṭang dun hneh loin an tla.

Ningani zan khan Indo-Swiss duo hi seeded pariatna Babos leh Shvedova te hian darkar khat leh minute riat chhungin 6-2, 6-4 in an hneh.

Nikum khan Mirza leh Hingis te hi hneh theih loh ang hialin an khel ṭha tluang a, Grand Slam pathumah an champion thei. Mahse, kuminah erawh beisei angin an khel ṭha lo a, French Open-a an chak loh hnuah Wimbledon-ah pawh beisei an phak lo chhunzawm a ni.

India star Mirza chuan, "Eng level-ah pawh nise a chak lo zawka ṭan hi chu a nuam ngai lo a, a pawimawh zawk chu tun hmaa kan boruak ang kha kan neih let leh theih nan kan chak lohna lai kan insiam
ṭhat thuai a pawimawh," tiin a sawi.

Kumina Grand Slam khelh tur pali zinga pathum khelh a ni tawh a, US Open khelh hmabak an la nei thung.