Mourinho assistant tur Faria

Jose Mourinho chuan hun rei tak chhung a thachhang dawltu lo ni tawh Rui Faria chu Manchester United-ah assistant manager ni turin a ruat.

Louis van Gaal-a hnuaia assistant manager Ryan Giggs chuan kum 29 hnuah Old Trafford a lo chhuahsan tawh a, United legend chhuah chhan hi Mourinho-a'n assistant atana Rui Faria a duh zawk vanga ngaih a ni.

Kum 41-a upa Faria hian Chel-sea, Inter Milan leh Real Madrid-ah te Mourinho hnungzuiin assistant manager hna a lo chelh tawh a, Portuguese manager-in Giggs aia a thlang hi thil mak a ni hran lo.

Mourinho-a hnuaiah United-in backroom staff thar paruk an nei tawh a, Faria hma hian Mourinho nena lo thawkho tawh ṭhin vek Ricardo For-mosinho, Carlos Lalin, Emilio Alvarez, Giovanni Cerra leh Silvino Louro te chuan an boss hnung hi an lo zui tawh.