Messi chelh tumtu Argentina president

Copa America final-a Chile an hneh loh vanga inter-national football a chawlhsan tur thu puangtu Lionel Messi-a'n ram tana inkhel leh tura ngentu a neih belh zel.

Argentina president Mau-ricio Macri meuh pawh a ṭawngchhuak ve ta - Macri chuan Messi chu Argentina kawr ha leh tura a ngen thu sawiin, Barcelona forward chu ram tan a lo kir leh ngei a rin thu a sawi bawk.

Macri chuan, "Phone-ah Messi nen inbiakna kan nei tawh a, ram tan a lo kir leh ngei hi ka beiseiin ka ring tlat a ni. Khawvela player
ṭha ber a ni a, kan mamawh a ni," tiin Messi chu Argentina tana inlan leh turin a duh hle.

Argentina president hma hian Copa America nomawi an chawi loh chuan an rama kir tawh lo tura Argentina player ho hrilhtu Maradona meuh pawhin Messi hi an ram tana khel leh turin a lo sawm tawh a ni.