Anfield-a kum ruk cham tur Klopp

Liverpool manager Jurgen Klopp chuan Anfield-ah season ruk chhung hun hmang turin contract thar a ziak. October, 2015-a Liver-pool pantu manager rual hian a assistant pahnih Peter Krawietz leh Zelj-ko Buvac te chuan an pu thachhang dawl chhun-zawm zel turin contract thar an ziak ve bawk.

Kum 49-a upa ma-nager chuan, "Liverpool-in min rinna hi kan tan chuan chawimawina ropui tak a ni a, thu a sawifiah theih chi pawh a ni lo. Kan zinkawng kan ṭan ve chauh a ni a, mah se he hmuna awm hi nuam kan ti em em der tawh a ni," tiin Reds enkawl chu nuam a tih thu a sawi.

Liverpool principal owner John Henry, chairman Tom Werner leh Fenway Sports Group president Mike Gordon-te chuan thuchhuah inṭawm siamin, "Liverpool hma-sawn zelna tur atana ruahmanna leh ngaih-tuahna a neihte hian minti lawm a, kan tan chuan Jurgen-a'n Liverpool-a cham chhunzawm zel a thlang hi a lawmawm takzet a ni," tiin an coach chungah an lawm hle.