Usain Bolt a dam

Jamaican sprinter ropui Usain Bolt chu a malpui na a dam tawh a, July 22 a neih tur London Anniversary Games-ah a inlan hman beisei niin Jamaica Athle--tics Administrative Association (JAAA) chuan an ram Olympic team-ah pawh a telh ngei beisei a ni bawk.

Olympic gold medal vawi ruk dawng tawhtu Bolt hi kar hmasa khan Jamaican National Cham-pionships a 100m semifinal an tlan laiin a inhliam a, a inhnukdawk zui.

British Athletics Face-book page-ah kum 29-a upa Bolt chuan tihian a sawi, "July 22, Zirtawpni khian London Anniversary Games-ah min lo en rawh u. London-a ka lo kir thei tur hi ka lawm hle" a ti.

Olympic Stadium, London-ah inelna hi neih tur niin Bolt hi 200m-ah a intlansiak dawn a, Olympic atana inbuatsaihna hnuhnung ber a ni tawh ang.

2008 Beijing leh 2012 London Olympic-a a lo hlawhtlin tawhna 100m leh 200m-ah te Bolt-a'n Rio Olympic-ah gold medal a dawng leh thei a nih chuan Olympic chanchina 'triple double' thei hmasa ber a ni ang.