Cancer ngamtu Petrov

Thisen cancer vanga kum li chhung ngawt enkawl a nih hnuah Sti-liyan Petrov chu Aston Villa tan khelmual chhung--ah a inlan ve leh ta! Villa captain hlui hi Inrinni zana Austrian sixth division club GAK 8-0 a an sawp ṭumin second half-ah a inlan ve a ni.

Kum 37-a upa Petrov hi 2012 March thla khan a thisen a cancer tih hmuh chhuah a ni a, a natna an hriatchhuah aṭanga thla 14 hnuah inkhelh a chawlhsan. Enkawl a ngaih nasat zual laiin inkhel thei lo mah se Petrov hian beidawng duh loin professional football khelh leh ngei a tum a, a hlawhlting.

2012 March thlaa Arse-nal 3-0 a an hneh loh hnuah Petrov hi a khua a sik a, a hnu ni rei loteah thisen cancer tih hmuhchhuah niin a natna vang hian thla li chhung ngawt chemo-therapy a la nghe nghe.

Bulgarian midfielder Petrov hi Martin O'Neill-a player lahluh hmasak ber ni turin 2006 August thla khan Celtic aṭangin pound maktaduai 6.5 in Villa hi a zawm a, match 218 khelh sakin an player pawimawh leh rinrawl a ni ṭhin.