Sanchez lakah Juve an beidawng

Juventus director Giuseppe Marot-ta chuan Alexis Sanchez lak-luh tum mah se Arsenal lamin an forward hi hralh an tum miau loh avangin Serie A champion hian an player awh tak hi an lalut thei dawn lo.

Chile international hian Barce-lona ṭanga Gunners a zawm hnuah FA Cup nomawi vawi hnih a chawi pui tawh a, an player pawimawh a ni. Tun hnaia an ramin Copa America champion an nih theih nan pawha player thawh hlawk berte zinga mi niin a hnuhnung zawkah phei chuan 'Best player' atan thlan a ni.

Kum 27-a upa Sanchez lakah an beidawn thu sawiin Marotta chuan, "Sanchez hi player ṭha tak niin kan hnena lokal turin kan duh. Mahse, Arsenal lam chuan ani hi zawrh lai a nih loh thu leh lei chhuah theih a nih loh thu min hrilh," a ti.

Season hmasa Premier League-a goal 13 khungtu Sanchez hi German Bundesliga champion Bayern Munich pawhin an ngaihven hle nia sawi a ni.