Magpies defender thar Jesus

Championship club Newcastle United chuan season hnih chhung an hnena khel turin full-back Jesus Gamez chu Atletico Madrid aṭangin an lalut.

Kum 31-a upa de-fen--der hian Atletico tan season hman zawh tak-ah khan match 16 a khel a, kum 2014 khan Malaga aṭangin Atletico hi a pan. Malaga tan hian a chhuahsan hmain season kua lai chu a lo inlan tawh a ni.

Gamez chuan, "Ka tan chuan Atletico Madrid chhuahsan hun tak a ni a, ka club zawm tur tak ka zawm bawk a ni. He hmunah hian chona phurawm tak maiin min hmuak a, chu chu Premier League-a Magpies hruai thlen leh hi a ni," tiin a
ṭawng pawr hle.

Newcastle United coach Rafa Benitez chuan, "Defender tawnhriat ngah, khawiah pawh chhawr theih a ni a, he team tan hian a thawhhlawk ka beisei tlat a ni," tiin a defender thar chungchang a sawi ve bawk.