Barca-in Messi an thlahthlam lo

Lionel Messi leh a pa chu chhiah awlrua puh an nih naah Spanish court-in thiam loh chantir mah se Barcelona chuan an player duhlai hi an thlahthlam lo a, social media lamah Leo lama an ṭan zia an tarlang.

Barcelona forward leh a pa hi kum 2007-2009 chhung khan chhiah an chawi tur euro maktaduai 4.1 an awlru nia puh niin, thla 21 chhung jail tang tura tih an nih bakah pawisa chawi tura hrem an ni.

Mahse, Messi hian Spanish Court thuthlukna hi Supreme Court of Spain-ah a khing let dawn a, a dan hremi chuan chhiah awlrua an puh hun chhung hian an chawi tur an zat an pek dik thlap thu a lo sawi ve bawk.

Barcelona chuan Twitter-ah campaign au hla siamin, "#WeAre-AllLeoMessi" tiin Catalan club
ṭantute chu social media lama Messi an ṭan thu ṭan thu tarlang turin an sawm nghal bawk.

Kum 29-a upa Messi hian Barcelona hi Champions League-ah ṭum li champion pui tawhin La Liga nomawi vawi riat a chawi pui tawh bawk a, mimal chawi--mawina dawn theih zawng zawng dawng kim tawhin an club chanchina player hlawhtling berte zinga mi a ni.

Barcelona president Josep Maria Bartomeu chuan, "Leo, nang beitute hi chuan Barcelona an bei tihna a ni a, a tawp thlengin i lamah kan ṭang ang," tiin mipui hmuh theih turin Twitter-ah Messi a ṭan thu a tarlang bawk.