Jerome Boateng a dam hman beisei

Bayern Munich chuan Bun-desliga season ṭan hma ngeiin an defender Jerome Boateng hliam chu a dam hman an beisei a, August 26-a Werder Bremen an hmachhawn hunah German international hi inkhel hman tura ngaih a ni.

German center back hi European Championship semifinal-a France 2-0 a an hneh loh ṭumin a malpui na vangin second half-ah lakchhuah a ni. Kum 27-a upa Boateng hian season hmasa khan league match 19 chiah a khel a, season chawhnu lam kha a tihrawl na vangin a inlan mumal lo.

Carlo Ancelotti kaihhruaina hnuaia khel tawh tur Bayern chuan thuchhuah siamin, "Boateng hian a malpui vei lamah hliam a tuar a, Munich-a a inkhelh leh theih tur hun chu bituk theih la ni lo mah se season ṭan hunah chuan a lo kir hman ngei beisei a ni," an ti.