Leicester player manto ber Musa

Premier League cham-pion Leicester City chuan an club chanchina player manto ber ni turin CSKA Moscow striker Ahmed Musa chu pound maktaduai 16-in an lalut a, Nigeria international hi King Power Stadium-ah kum li chhung a cham ang.

Southampton, Everton leh West Ham pawhin lakluh tuma an dawr Musa hma hian Foxes-ah goalkeeper Ron-Robert Zieler, defender Luis Hernandez leh midfielder Nampalys Mendy an lut tawh a, Champions League khel tur Leicester an awm mai mai hman lo.

Kum 23-a upa Musa hian kum 2012 khan CSKA hi a zawm a, season hman zawh takah khan league nomawi chawipuiin Russian club tan hian vawi 168 a inlan tawhah goal 54 a khung a, ram tan match 58 a inlanah goal 11 a khung bawk.

2014 World Cup-a Ar-gentina laka 3-2 a an tlawm ṭumin goal hnih a khung a, World Cup match-a Nige-rian player zinga match khat leka goal hnih khung thei awmchhun a ni.