Rockets tan Harden a rinawm

NBA team Houston Rockets chuan kum li chhung atan James Harden chu contract thar an ziah pui a, guard Harden contract hlut zawng hi dollar maktaduai 118 a ni.

Kum 26-a upa Harden hian a contract hmasaah khan kum khatah dollar maktaduai 16 a hlawh
ṭhin a, a contract tharah hi chuan kum khatah dollar maktaduai 26.5 a hlawh tawh ang.

American star hi sea-son hmasa khan a khel ṭha hle a, a career-a a chet ṭhat ber ṭum niin chawhrualin inkhel tinah point 29, rebounds vawi 6.1 leh assist 7.5 nei ziah a nii a, Harden an chelh thei hi Rockets ṭantu tan chanchin lawmawm a ni.

Contract thar a ziah hnuah Harden chuan, "Houston-a ka lo kaltirh aṭang khan nitin hma ka sawn zel a, he hmuna awm hi nuam ka tiin season tharah dinhmun sang zawk kan tawng theih ngei ka beisei," a ti.