Double champion Williams unau

Serena Williams-i'n hmeichhe single champion dinhmun a luah hnu lawkah Centre Court-ah hmeichhe double final khelh zui a ni a, Serena leh Venus Williams te chuan Timea Babos leh Yaroslava Shvedova te
ṭang dun chu darkar khat leh minute 27 chhungin 6-3, 6-4 a hnehin an champion zui leh bawk.

American unau hi tun hnaiah double-ah an inlan tam loh avangin tun ṭumah hian seeded pawh an ni phak lo a, mahse a vawi 14 nana Grand Slam doubles title la turin anmahni dal zo an awm lo. Open Era-ah Martina Navratilova leh Pam Shriver te ṭang dun chuan major title 20 an la a, Williams unau hian anni chiah hi tluk loh an nei tawh.

Mipa double-ah seeded pakhatna Pierre-Hugues Herbert leh Nicolas Mahut te chuan 6-4, 7-6, 6-3 in Julien Benneteau leh Edouard Roger-Vasselin te ṭang dun lakah hnehna changin a vawi khat nan Wimble-don champion an ni.

Wimbledon 2016 mipa double final khel tute hi an vaiin French mi vek an ni a, Open Era chinah French pla-yer vek All England Club final-a an intawn vawi khatna a ni.