United-in Pogba an la hnaih lo

Manchester United-in Paul Pogba an ngaihven tih a chiang a, France in-ter-national midfielder lakluh erawh an la hnaih lo.

Thuthang leng velah chuan Juventus aṭangin Red Devils hian world record ni turin Pogba hi pound maktaduai 100 bawr velin an la lut dawn niin sawi a ni a, BBC Sports-in a zirchiannaah erawh United leh Ju-ventus hi an la inbe lo.

Hei chauh hi a ni lo, kum 23-a upa Pogba hian Euro 2016 final hmain a rilru la peng thei tur hrim hrim-ah inhnamhnawih a duh lo. Nizan lama Euro 2016 khelh zawh a nih takah chuan Pogba pawh-in a hmalam hun tur chung-changah ngaihtuahna a seng thei tawh ang chu.

United player hlui Pog-ba hian kum 2019 thleng Juventus-ah contract a nei a, Italian champion hian Serie A title vawi li lakpui tawhtu French midfielder hi contract thar ziahpui an la beisei a, tuna thuthang leng velah hian thuchhuah an la siam lo bawk.

Spanish football ex-pert Guillem Balague chuan Pogba hian a club Manchester United aiin Real Madrid-a khelh a duh zawk tiin sawi mah se Champions League champion aia English club-in an ngam huai zawk avangin French midfielder hi Jose Mourinho player thar palina a nih a la rinawm zawk.

Pogba hian Man-ches-ter United-a kum thum a cham hnuah kum 2012 khan Italy a pan a, Sir Alex Ferguson leh player agent Mino Raiola te inkar ṭhat loh vanga chhuak a ni.

Tunah erawh Raiola hnuaia player Swedish striker Zlatan Ibrahimovic leh Armenian midfielder Henrikh Mkhitaryan ten United an zawm tawh a, tunah rih chuan Jose Mourinho tan football agent lar Raiola hi mal-sawmna a ni.