Hulk a inhliam nghal

Brazilian striker Hulk chuan a club thar Shanghai SIPG tana a match hmasa berah goal khung mah se a goal khung aṭanga minute 12 hnuah hliam vangin lakchhuah lehnghal a ni.

Kum 29-a upa Brazil international hian thla hmasa khan Chinese Super League club hi pound maktaduai 47.83 velin a zawm a, Asian football chanchina player manto ber niin a club thar tan hian khelmualah minute kua chiah hun a hmang hman tihin goal a khung nghal.

Brazil international hi hliam vanga lakchhuah nimahse a club erawhin hnehna an chang ta tho a, Chinese Super League-ah pathumna dinhmun luah turin Henan Jianye chu 5-0 in an sawp a ni.