Sevilla-ah Correa a lut dawn

Europa League champion Sevilla chuan Sampdoria aṭangin Joaquin Correa an lalut dawn a, kum 21-a upa midfielder hi an hnena kum nga cham turin contract an ziahpui ang.

Attacking midfielder Correa hian Estudiantes aṭangin a career a ṭan a, Argentine club aṭang hian 2014 khan Sampdoria a zawm a, Serie A match 31 inlan hmanin goal thum a khung sak. Jorge Sam-paoli-a enkawlna hnuaia khel tur Sevilla hian Correa manah hian pound maktaduai 11.3 bawr vel an seng dawn nia tarlan a ni.

Sevilla hian an player pawimawh pahnih midfiel^-der Grzegorz Krychowiak leh Ever Banega an chan hnuah Correa hma hian Hannover 96 aṭangin Hi-roshi Kiyotake leh Getafe aṭangin Pablo Sarabia an lalut tawh a, Atletico Madrid aṭangin Matias Kranevitter chu loan-in an lalut tawh bawk.