Sammer-a'n Bayern a chhuahsan

Germany international hlui Matthias Sammer chuan Bayern Munich sporting director a nihna chu a hriselna ṭhat loh vangin ama duhthlannain a chawlhsan thu Pathianni khan German champion hian an tarlang.

German tana match 51 khel tawhtu defensive midfielder hian April aṭang khan a thluak thisen kal vel chungchangah harsatna a nei a, a duh leh tum angin club tan a hun zawng zawng a hmang thei ta lo a ni.

Kum 48-a upa Sam-mer chuan, "Ka hriselna tun hnaiah endik niin ka ṭha leh tawh hle a, hma ka sawn zel. Mahse, Bayern tana karkhata ni sarih leh nitin darkar 24 hun hmang tur chuan ka tan a harsa rih a ni," a ti.

Bayern Munich chair-man Karl-Heinz Rum-menigge chuan Sammer hmunruak luahkhat tur an zawn hmanhmawh loh tur thu a sawi a, hetihlai hian Bayern legend Franz Beckenbauer chuan April thla daih tawh khan president hlui Uli Hoeness chu club-ah a kir leh mai theih thu a lo sawi tawh bawk.