NorthEast United coach Farias a bang

Indian Super League club NorthEast United FC chuan an contract neihlai zah loa club dang pantu an coach Sergio Farias contract chu an tihtawp sak thu an puang.

'The Highlanders' (North-East United sawi-na) hian ISL season thum--naa an team kai-hruai turin Brazil Under-20 coach hlui hi May thla khan contract an ziahpui a, mah se Asian Champions League-a Pohang Steelers coach hlui hian a club lo enkawl tawh
ṭhin Suphanburi FC a zawm san leh ta zawk a ni.

Farias hian tun hmain Suphan-buri FC hi a lo enkawl tawh ṭhin a, mah se Thai Premier League club hian Spanish coach Ricardo Rodriguez an ban hnuah Farias hi dawrin Brazilian coach hian ISL lama team kaih-hruai ai chuan Thai club enkawl hi a thlang zawk.

July 1-a coach nei fel vek tura beisei Indian Super League club zing-ah NorthEast United hian an coach an chan leh tak avangin season ṭan hma ngeia coach thar an melh vat vat a ngai dawn a ni.