Fiorentina-ah Romanian legend fapa

Romania football chanchin sawi apianga hming lang hmasa pawl ni ṭhin Gheorghe Hagi fapa Ianis Hagi chuan Serie A club ṭha Fiorentina a zawm a, kum 17 leka upa niin hmabak a nei eng hle.

Ianis hian Romanian League-ah Viitorul Con-stanta tan a khel a, a club khelhnaah hian a pa Gheorghe Hagi hi a neitupa a nih mai bakah manager a ni nghal bawk! August 2015 khan an club-ah hian captain dinhmun chelh tir niin Romanian league chanchina captain ni thei naupang ber dinhmun a lo chelh tawh.

Season hman zawh taka match 31 inlana goal li khungtu attacking midfielder chungchang hi a pa Gheorghe Hagi chuan, "Ianis hian talent a nei ṭha em em a, a rilru a paukhauh bawk. A thinlung zawng zawngin a khel ṭhin a, team tan a thawk ṭhin. Assist a ngah a, thutlukna huaisen taka siam a thiam a, a ke pahnih a hmang thiam bawk. Hmasawnna tur tam tak a la nei a, kan puih zel pawh a ngai. Mahse, a kum ang zat ka nih hi chuan amah ang hi ka la ni pha lo. Engtikah emaw chuan Romania captain a la ni ang," tiin a fapa hi a chhuang hle.