Euro 2016 Young Player of the Tournament Renato Sanches

Portugal midfielder Renato Sanches chu UEFA Euro 2016 khelh zawh taka Young Player of the Tournament a thlan a ni. He chawimawina hi January 1, 1994 hnu lama piang tana buatsaih a ni a, chawimawina dawng thei tur thlang chhuaktute hi UEFA technical obser-ver-te niin UEFA chief tech-nical officer Ioan Lu-pescu, Sir Alex Fergu-son leh Alain Giresse te kaih-hruaina hnuaia thlan a ni.

Kum 18-a upa San-ches hian Euro 2016-a Portugal match hmasa paliah bench aṭangin
ṭum thum a lut a, Croatia an hneh ṭumin man of the match a thlan niin Poland an khelh ṭumin a vawi khat nan starting eleven a chang. Season thar
aṭanga Bayern Munich-a khel tur Sanches hian Poland lamah si phurh sutna goal a khung bakah penalty shootout-ah pet goal bawkin a zawnin man of the match a thlan a ni.

Renato Sanches hian Wales leh France an hma-chhawn ṭumin inkhel bul a ṭan ve ve a, final-ah khel ṭha tawk lo mah se inelna pumpui thlirin Portuguese rawlthar duhawm hian lawm-man dawn hi a phu a ni.

Lawmman dawng pha lo zingah Germany right back Joshua Kimmich, Alessandro Schopf (Aus-tria), Eric Dier (England), Ondrej Duda (Slovakia), Arkadiusz Milik (Poland) leh Elseid Hysaj (Albania) te chu hming langsar an ni.