Kan tihsual aṭangin kan inzir a ngai - Ramsey

Arsenal midfielder Aaron Ramsey chuan Champions League last 16 an tlakna aṭang chuan an inzir a ṭul thu a sawi.

Thawhlehni zan khan Gunners hi Monaco-in Champions League aṭangin an pet chhuak a, Emirates stadium-a goal an chhuah tam vangin an tla ni.

Kum 24-a upa Ram­sey chuan, "Kan tihsual aṭangin kan inzir a ṭul a ni. Monaco nen kan inkhelh ṭum khan goal thum aia tam thun theihna chance kan nei a, mahse kan thun tling si lo. A pawimawh berah chuan first leg aṭanga kan rilru zawng zawng kan pek a ngai tihna a ni." tiin a sawi.

Welsh Midfielder Ramsey chuan sawi chhun­zawmin, "Champions League quarter final lut turin theihna kan nei a, mahse kan fimkhur tawk loh vangin kum dang ang bawkin kan tawp leh ṭhin. Kan tihsual aṭang hian inzir ila a ṭha ang. Tunah chuan kartawp a Newcastle nen kan inkhelh turah rilru kan pek a hun tawh. Monaco home-a kan khelh dan ang khan kan khelh chhunzawm theih ka beisei," tiin a sawi.