Manchester United hmaa zam lo Jordan Henderson

Liverpool midfielder tunhnaia khel ṭha tak Jordan Henderson chuan Manchester United tum tur a an inpeih tawh thu sawiin an zam loh thu a sawi.

A match hnuhnung pathuma goal thum khung tawh Henderson chuan, "Pathianni lo thleng tur hi kan nghakhlel tawh tak zet a ni. Game harsa tak a ni dawn tih kan hria. Mahse, Anfield-a inkhel tur kan nih avangin kan zam lo a, kan beisei ang result kan neih theih ngei kan ring a ni," a ti.

Liverpool goalkeeper che ṭha tak Simon Mig­nolet pawhin a team-mate te chu fuihin, "Game lian leh harsa tak ni dawn mah se kan zam tur a ni lo, kan tih tur chu rilru zangkhai taka inkhelh a ni. Engtianga game lian nge a nih tih hian min tibuai tur a ni lo," a ti.

Liverpool hian tun hnai Premier League game 13 chhung chu hneh loh an tawng tawh lo. Pathianni a Manchester United nen an inkhelh tur hi Champions League khelh inchuh a nih dawn avangin tunhma aṭanga team lo inhal tawh English club lian pahnih inkhel tur hian ngaihven a hlawh hle.