West Indies-in Phil Simmons an sawm
Ireland coach Phil Simmons chu West Indies-in coach turin an sawm a, kum 51-a upa West Indies chhulchhuak hian an ram sawmna hi a pawm dawn leh dawn loh a ngaihtuah mek a ni.
Simmons hian kum 2007 aṭang khan Ireland hi enkawl ṭanin ICC tournament lian tham parukah a zawnin a tlin pui a. Kumin World Cup-a an match hmasa berah Ireland chuan West Indies an hneh a, he hnehna vang hian fak a hlawh lehzual.
West Indies hian nikum August thla khan an coach an ban avangin Stuart Williams chuan a enkawl lailawk a, Simmons hian West Indies sawmna hi a pawm a nih chuan a enkawl nghal dawn a ni.
West Indies hian Inrinni zing dar 6:30-ah World Cup quarterfinal an khel dawn a, World Cup thlengtu pakhat zawk New Zealand an tum ang. New Zealand hian tun World Cup-ah an khingpui zawng zawng an hneh fai vek a, champion tura rinkai an ni.