Indian Wells semi final-ah Serena

Top seed Serena Williams chuan a khingpui World number 26 Timea Bacsinszky hnehin BNP Paribas Open, Indian Wells-ah semi final a lut.

Quarter final inkhelah hian American Serena hian a khingpui hi ranking hniam zawk deuh ni mah sela a sawisa thei bik lo. inkhel inhnehtawk takah 7-5, 6-3 in a hneh a ni.

Inkhel dangah Simona Halep chuan set khat a hloh zet hnuah Carla Suarez Navarro chu 5-7, 6-1, 6-1 in a hneh let leh a, semi final-ah Williams nen an inhmachhawn ang. Romanian Halep hi Serena hneh thei hnuhnung ber a ni a, nikum favang lai khan WTA Finals, Singapore a khelhah khan a lo hneh tawh a ni.