Guardiola-a'n Barca zir chiang

Bayern Munich-in Cham­pions League quarterfinal an thleng tawh a, Zirtawpni zanah Champions League fixture pawh a ni dawn. Bayern manager Pep Guardiola-a'n an hmachhawn theih a club hlui Barcelona inkhel thlirin Nou Camp-ah a kir a, Barca-in Manchester City an hneh.

Guardiola chuan halftime-ah Catalunya Radio-in a kawm a, first half a hmuh dan sawiin, "Lionel Messi hi chu a ṭha a, a thiam bik takzet a ni. A inkhel lai en hi a dang hlak a, a hlu bik a ni. Barca player-te an ṭha a, season ṭha tak an hmang a, fixture pawh hunah engpawh a thleng thei," a ti.

Spanish manager hian Bayern a enkawl hnuah Barcelona nena pawh fuh an la nih loh avangin Nou Camp-ah a la let lo a, mipui zing aṭanga inkhel en chu nuam a tih thu a sawi bawk.

Guardiola hian Atletico Madrid-in penalty hmanga Bayer Leverkusen an hneh ṭum khan Vicente Calderon-ah inkhel a en a, Champions League-a an khelh hmabak atan a inpuahchah uluk hle.