UCL khel turin Lille an tling

Lille chuan Champions League an khel dawn tih a chiang ta - Ligue 1 club hian Slavia Prague chu 2-1 in hneh lo mah se, an intawn tawhna hmasa nena belhkhawmin 3-2 in an chak tlang ta zawk a ni.

UCL khel tur hian Lille bakah Red Star Belgrade, Slovakian champion Slovan Bratislava leh Croatian club Dinamo Zagreb te pawh an inpet tling ve bawk a ni.

An intawn hmasakah Lille hi si hnih faiin an chak a, an dinhmun an siamṭha tawh hle. Second leg-ah Slavia Prague tan Christos Zafeiris chuan minute nga lekah goal khungin beiseina a siam thar.

Mahse, second half-ah Lille hian Edon Zhegrova hmangin an sut a, hun tawp dawna Ivan Schranz-a goal khungin Slavia Prague a chhanhim zo tawh lo, an tum ram thleng loin an tawp.

European football inelna sang berah Lille an inlan hnuhnung ber chu 2021-22 season kha a ni a, hemi ṭum hian last 16 an thleng a, an tawn san ber ṭum a ni bawk, kuminah hian beiseina sang tak nen an inlan leh ang.