Costa a inhnukdawk

Rio Olympic thlengtu Brazil chuan an star player Douglas Costa tel loin inelna an hmachhawn a ṭul dawn. Bayern Munihc winger hi malpui na vangin an ram squad a- ṭangin a inhnukdawk.

Olympic mipa football inelnaah hian Under-23 team an inel ṭhin a, kum bithliah pel chin hi player pathum telh theih a ni. Brazil hian captain Neymar, Palmeiras goalkeeper Fernando Prass leh Costa te hi an senior player koh te an ni.

Bayern chairman Karl-Heinz Rummenigge chuan,"Costa hi Olympic-ah inlan ngei sei tih hi kan duhthusam a ni a, mah se a hriselna hi kan ngaihpawimawh hmasak a ṭul," a ti.

World champion vawi nga ni tawh Brazil hi Olympic-ah an la cham-pion ngai lo a, kuminah hian an match hmasa ber atan August 4 khian Estadio Nacional Mane Garrincha-ah South Africa an hmachhawn ang.