Saints player thar Hojbjerg

Southampton chuan Denmark midfielder Pierre-Emile Hojbjerg chu German Bundesliga champion Bayern Munich aṭangin pound maktaduai 12.8-in an lalut.

Kum 20-a upa Hojb-jerg hian season hmasa khan loan hmangin Schalke lamah hun a hmang a, Allianz Arena-ah kir leh thei ni mah se Bayern hian Euro 2016 Young Player of the Tournament Renato Sanches an lakluh tawh avangin a tan hmun nghet chan a inbeisei awm loh a, chhuah a thang ta niin a lang.

St. Mary's Stadium-a kum nga daih contract ziak hlim Hojbjerg chuan, "Southampton-in min lakluh an duh tih ka hriat khan inngaihtuah buai ngai loin ka rilru ka siam nghal, an khelh dan phung hi ka duhdan a ni. Ka chunga rinna an nghah avangin an beisei ang ngeia khelh chhuah ka tum ang," tiin a sawi.

Premier League club Saints hian tun nipui trans-fer chhungin Hojbjerg hma hian England Under 21 international Nathan Redmond chu Norwich a-
-ṭang^-in an lo lalut tawh bawk.