Number 1 nih ka tum - Murray

Association of Tennis Profes-sionals (ATP) chuan Thawhṭanni khan ranking thar a ti chhuak leh a, world number 1 chu a ngai Naovak Djokovic niin Andy Murray chu pahnihna a nih chhunzawm - Wimbledon 2016 cham-pion hian number 1 nih a tum thu leh a harsat tur thu a sawi.

Murray hi Grand Slam vawi hnih lo champion pui tawhtu a coach Ivan Lendl nen chawlh kar 18 an thawhdun leh hnuah Pathianni zan khan Milos Raonic hnehin an ramah a champion.

Wimbledon ṭan dawn kha chuan Djokovic (16,950) hian Murray (8,915) lakah hma a hruai fal hle a, inelna zawh a nih a an inthlauhna erawh point 4845-ah a tla hniam thung - Serbian tlangval hi third round-ah a tla.

Grand Slam vawi thum cham-pion Murray chuan, "Kumin kum tawpa Novak nen an inthlauhna a zim thei ang bera siam tur chuan ka khelhṭhat chhunzawm a ngai. Ani hi vawi khat a chetsual vang ngawt khan a hnual phah dawn lo a, ropui zawka rawn let a tum dawn, kei pawh ka inbuatsaih ngawrh zual a ngai," a ti.

Britain number 1 Murray-a player ngaihsan leh entawn Andre Agassi kha Grand Slam pariatah a champion bakah Olympic gold medal a la a, United States hranghlui hian major tournament a champion ṭum riat aṭanga vawi nga chu kum 29 a nih laiin a ni.

Kum 29-a upa Murray chuan, "Grand Slam-a ka champion hmasak ber kha a dang pakhat ka duh belh a, chutiang zelin tunah chuan a dang ka duh belh leh tawh. A tam lamah ka chhiar ngai lo a, a pawimawh ka tih chu hnehtu nih hi a ni," a ti.

World number 2 Murray chuan sawi chhunzawmin, "Tun dinhmunah chuan Novak hi fal takin pakhatna a la ni a, a pawimawh hmasa chu kan inkar tih zim hi a ni. A hmasa bera awm hi thil awlsam ni lo mah se a thil tum pakhat a ni," a ti.

Grand Slam champion hian ATP ranking-ah point 2000 an hmuh belh ṭhin a, Masters 1000 champion hian point 1000 hmuin 500 Series leh 250 Series champion te pawhin point 500 leh 250 an hmuh belh ṭhin - Olympic champion-in point 750 an hmu bawk.

Hmeichhe lamah Serena Williams chu number 1 a nih chhun-zawm zel a, kum 34-a upa Serena hian 2013 aṭang khan pakhatna din-hmun a la luah char char a, WTA ranking-a pakhatna dinhmun luah thei upa ber a ni nghe nghe.

ATP Ranking Thar

1 Novak Djokovic Ser 15,040

2 Andy Murray GB 10,195

3 Roger Federer Swi 5,945

4 Rafael Nadal Spa 5,290

5 Stan Wawrinka Swi 4,720

6 Kei Nishikori Jpn 4,290

7 Milos Raonic Can 4,285

8 Tomas Berdych Cze 3,490

9 Dominic Thiem Aut 3,175

10 Jo-Wilfried Tsonga Fra 2,995