Jamaica team-ah Bolt a tel

Usain Bolt chu Rio Olympic a inlan tur Ja-mai-ca team-ah telh a ni a, sprinter ropui hi 100m, 200m leh 4x100m relay-ah te a inlan dawn - heng inelna pathum hi gold medal a khawl mekna vek a ni.

Olympic champion vawi ruk ni tawh Bolt hi hmanni deuh khan a malpui na vangin Jamaican Championship 100m semifinal an tlan hnuah a inhnukdawk a, a dinhmun a chiang lo zui nghal. Mahse, kar hmasa khan Bolt hian a hliam a dam thu leh London Anniversary Games-ah pawh a inlan theih tur thu a sawi.

Jamiaca hian Brazil a kal tur hian infiammi 63 an tir dawn a, Bolt bakah midang palite chu enkawl ngai dinhmunah an ding mek an ni. Bolt hi Zirtawpni hian London Anniversary-ah a inlan dawn a, 200m intlansiak tur niin hei hi Rio Olympic atana a inbuatsaihna hnuhnung a ni tawh ang.