MFA Super Cup-in sponsor a nei ta

Football club 66-in July 14 - August 27 chhunga an khelh tur, MFA Super Cup 2016 chu Samsung 3:16 Plan Solution-in a sponsor dawn a, inelna hming pawh 'Samsung 3:16 Plan Solution MFA Super Cup' tih a ni ang.

MFA Super Cup 2016 hi vawi thum neih tawhah MPL champion leh knockout inelna (MFA Cup/I Day Football) champion an in-khel ṭhin a, tun ṭumah erawh MFA leh District FA hnuaia affi-liated club tan tel theih a ni. Kumin inelnaah hian team 66 an tel dawn a, heng zingah hian Mizoram Premier League club pariat telin anni hi Round of 16 aṭangin an khel ṭan ang.

July 11 khan Manager's Meet neih a ni tawh a, hriat tur ṭulte inhrilh hriat a ni. Team 58-te chu Group pariatah ṭhen an ni a, heng group aṭanga a tiṭha ber ṭheuh hian Round of 16 an lut ang.

Samsung 3:16 Plan Solution MFA Super Cup 2016-ah hian champion-in Rs 1,50,000 bakah champion 'nopui' an dawng dawn a, pahnihnain Rs 50,000 dawngin inkhelh apiangin a chak zawkin Rs 1,000 zel an dawng bawk ang.

July 14 aṭangin Lammualah leh RG Stadium, Mualpuiah khelh ṭan a ni ang. Inkhel en man hi Rs 30/- a ni ang.