West Ham-in Bacca an rim

Premier League club West Ham chuan Co-lombia striker Carlos Bacca chu AC Milan aṭanga lakluh tumin Italian club hi indawrna an neihpui mek a, khawthlang media ṭhenkhat chuan Hammers-in an dawrna pound maktaduai 26 chu Milan hian an pawm tawh niin an tarlang hial.

Kum 29-a upa striker hian nikum nipui lai khan Milan hi Sevilla aṭangin pound maktaduai 21 in a zawm a, Italy-a a season hmasa berah goal 21 khung nghalin Copa America khelh zawh takah khan Colombia chu semifinal-a hruai thleng a, goal hnih a khung.

Hammers hian sea-son thar atan Sofiane Feg-houli, Havard Nordtveit, Toni Martinez leh Gokhan Tore an lalut tawh a, Payet an chelh theia Bacca hi an lalut bawk a nih chuan Premier League club lian tan ngaihthah chi an ni lo ang.