Indian Wells semi-final-ah Murray leh Djokovic

British number One Andy Murray chuan Feliciano Lopez hneh in Indian Wells Open-ah semi-final a lut.

Kum 27-a upa Murray hian quarter final-ah hian harsatna a tawk lem lo a, set hloh lo in 6-3, 6-4 in a chak. Minute 92 chhung chauh an inkhel a ni.

Lopez hian Murray hi a ngam lo hle mai a, vawi sawm an inkhelh tawhah vawikhatmah a la hneh ve lo. Murray hian tennis a luhchilh hnuah match 497 a chak tawh a World number One Novak Djokovic chu a khingpui tur Bernard Tomic a inhliam vanga a inhnuhdawh avangin inkhelh hah ngai lo in semi-final a lut tawh bawk.

Inrinni khian semi-final-ah an pahnih hian an in hmachhawn dawn a ni.