MIZORAM HOCKEY SUPER LEAGUE-AH BOYS ACADEMY VE VE FINAL DAWN

Mizoram Hockey Super League 2015 chu Boys Hockey Academy-ah Inrinni hian zawhfel a ni dawn ta a, Final-ah a thlengtu Boys Hockey Academy Yellow leh Green te an intum dawn ta a ni.

League Match hnuhnung ber nimin-a khelh-ah hmahruai mektu Academy Yellow chuan Academy Green te chu 4-1 in an hneh a, 1st Bn. MAP te chuan 1st IR Bn. Mualvum te chu 8-4 a hnehin League Match-ah khelh zawh takah 3na dinhmun an hauh a, 1st IR Bn. te chuan hneh nei lovin palina an ni bawk.

Inrinni-ah hian Final khelh a ni ang a, Khuallianah Pu Hmingdailova Khiangte Parliamentary Secretary a ni ang, Final khelh hma Dar 12:00 Noon-ah 3rd Place zawnnah 1st IR Bn. Mualvum (Lowest Point) leh 1st Bn.MAP ( 2nd Lowest Point) ten an khel hmasa ang a, Final Match 2:30pm-ah Academy Yellow (Highest Point) vs Academy Green (2nd Highest Point) ten an khel ve leh dawn a ni.

Closing Function-ah Bialtu MLA Pu Hming­dailova, Khiangte Parliamentary Secretary chu khuallian niin lawmman a sem nghal ang.