England squad-ah Harry Kane an ko ve ta

2014/15 season-a goal 26 khungtu Harry Kane chu England squad-ah a vawi khatna atan koh a ni.

Ningani khan England manager Roy Hodgson-a'n tun thla tawpa Lithuania leh Italy hmachhawn tur player 24 a thlang chhuak a, hming langsar ber chu kum 21-a upa Kane a ni.

Hodgson chuan, "Ram pumin Harry chanchin hi an ngaihven a, kan thlang lo a nih chuan mak tih a hlawh khawp ang," tiin Spurs forward chuan koh a phu thu a sawi.

Kane chuan, "Ka naupang lai aṭanga ka suangtuahna a thleng dik a ni. Ka tan chuan ram tana koh ka nih hi chawimawina a ni a, ka chhungte ṭawi­awmna vanga tun dinhmun thleng thei hi ka ni. Min duhsak tu te zawng zawng chungah lawmthu ka sawi bawk a ni," tiin ram tana koh a nih avangin a lawm hle.

England hian March 27 khian Wembley Stadium-ah Lithuania nen Group E Euro 2016 qualifier an khel ang a, March 31-ah Italy nen Turin-ah friendly match an khel leh bawk ang.

England Squad :

Goalkeepers: Fraser Forster (Southampton), Joe Hart (Man City).

Defenders: Leighton Baines (Everton), Gary Cahill (Chelsea), Nathaniel Clyne (Southampton), Kieran Gibbs (Arsenal), Phil Jagielka (Everton), Phil Jones (Man Utd), Luke Shaw (Man Utd), Chris Smalling (Man Utd), Kyle Walker (Tottenham).

Midfielders: Ross Barkley (Everton), Michael Carrick (Man Utd), Fabian Delph (Aston Villa), Jordan Hender­son (Liverpool), Adam Lallana (Liver­pool), James Milner (Man City), Raheem Sterling (Liverpool), Andros Townsend (Tottenham), Theo Walcott (Arsenal).

Forwards: Harry Kane (Tottenham), Wayne Rooney (Man Utd), Daniel Sturridge (Liverpool), Danny Welbeck (Arsenal).