Aizawl FC-in Chanmari hnaih zel

I League club Aizawl FC-in LZ Juice MPL11-ah league champion ngei an tum tih lantir nan, nimin tlai khan SYS FC 2-1 in an hneh. Victor Lalbiakmawia hote hian point 20 hmuin pahnihnaah an awm a; September 4, Nilaini tlaia Chanmari FC an hneh chuan table chung berah an awm thei ang.

Aizawl FC-in player an siksawi a, first half-ah an khel ṭha tawk lo a, point mamawh SYS an ṭang khawng ve bawk. Second half-ah erawh team ṭha zawk Aizawl FC danglamna a lang a, C. Lalhriatpuia leh hremna hmang zo Lalbiakdika te hmangin an khung.

Hriata leh BD-a ten MPL11-ah goal ruk ve ve an khung tawh a, top scorer Felix Lalruatsanga (goal riat) chu goal hnih chiahin an pha tawh lo. Mahse, Aizawl FC-in inkhel an thunun thei lo a, SYS-in F. Malsawmtluanga penalty hmangin siphurh an sut ṭhen a, goal dang erawh a lut tawh lo.