Lukaku chunga rinna nghattu Antonio Conte

Napoli manager Antonio Conte chuan a striker thar Romelu Lukaku chungah rinna a nghat tih a sawi a, tun hma lama a lo thawhpui tawh a nih avangin khelh dan phung chungchangah pawh an in man leh nghal hle tura ngaih a ni.

Lukaku hian season hmasa kha loan hmangin AS Roma tan a khel a, inelna hrang hrangah match 44 a khelh aṭangin goal 15 a khung. Roma hian an la nghet lo a, tunah Napoli chuan pound maktaduai 38 sengin an lei ta zawk, kum thum daih contarct a ziak.

Napoli hian zanin dar 12:15 hian Serie A match khel turin Parma an mikhual dawn, he hunah hian an striker thar hi a inlan nghal thut mai thei, chutihrualin minute 90 khel tur erawh chuan a ta a la hma mah mahin a rinawm.

Conte chuan, "Romelu hi a inpeih hman ka ring, a chhan chu training vawi hnih kan nei ho hman. Inrinni zingah a dinhmun kan en ang a, eng emaw harsatna leh buaina a awm loh chuan team zingah a tel nghal ang.

"Ani hi chu tlarhma laia khel thei player ṭha a ni a, tharum a ngahin goal pawh a khung thei," a ti. Conte hian tun hmain team hrang hrang a lo enkawl tawh ṭhin, tun season aṭangin Naples club hi siamṭhat tumin a bei dawn a ni.