Taekwondo belt exam an nei

2nd Session Colour belt exam thawhkhatna - Aizawl chhung club hrang hrang tan August 31, Inrinni khan Electric Veng YMA Hall-ah Mizoram Amateur Taekwondo Association chuan taekwondo colour belt exam a buatsaih a. Club 12 aṭangin taekwondo zirlai 198-in exam ṭha takin an paltlang.

Taekwondo belt exam hi colour belt hrang hrang yellow, green, green one, blue, blue one, red, leh red one niin, yellow belt aṭanga red belt inkar mi 187 ten exam an bei a. Black belt exam thei tur inbuatsaih mek, mi 11 ten Red-1 exam an bei bawk a ni.

Exam hi 3rd dan black belt C. Malsawmtluanga'n hoin black belt Albert Lalrinfela, Vanlalmawipuia, Vanlalthlenga, Lalzarzova ten uluk takin theory leh practical exam a endik.

Physical Fitness, basic technique, hand & leg technique, poomsae, self defence, sparring, breaking, speed endurance te an exam a ni.

Exam beitu zinga ti ṭha ber chu red one exam T. Lalhruaitluangi, ITI Veng, Gidae Taekwondo Club zir mek niin MATA GS Master Joseph Thansanga'n lawmman a hlan nghal. 2nd Session colour belt exam hi district hrang hrangah chhunzawm a ni bawk ang