TT inelna zo fel

National Sports Day, August ni 29 denchhenin Mizoram Table Tennis Association chuan tuna Chennai a khelh mek Ultimate Table Tennis (UTT) Season 4 buatsaihtu 11Sports Private Ltd., Mumbai nen a ṭangkawpin August 30, Zirtawp zan khan Ultimate Table Tennis (UTT) Mizoram Freedom Fighter League chu Mizoram Table Tennis Hall, Mission Veng-ah an buatsaih.

League-ah hian Mizoram Table Tennis Association Annual Ranking 2024-25-a Men's leh Women's Singles a rank sang player thlanchhuah te team thumah ṭhen an ni.

Heng team pathum te hi India ram tan a zalenna sual tu Mizo pathum hming chawi tirin Team Darthawma, Team Ropuiliani leh Team Khuangchera te an ni. Team tinah hian mipa pathum leh hmeichhia pahnih zel an awm.

League hi tuna India leh Foreign Table Tennis player ṭha thlanchhuah te'n Jawaharlal Nehru Stadium, Chennai-a an khelh mek Ultimate Table Tennis Season 4 khelh dan hmangin Team match-ah Men's Singles match ṭum hnih, Women's Singles match ṭum hnih leh Mixed Doubles match ṭum khat zel a awm a ni.

Point 17 hmu in Team Darthawma an champion a, tropy, medal leh sumfai an dawng. Point 15 hmu tu Team Khuangchera te pahnihna niin Team Ropuiliani te'n point 13 hmu in pathumna an ni. Pahnihna leh pathumna te hian medal, certificate leh sumfai an dawng ve ve bawk