Atalanta lakah Inter chak nuamsa

Serie A champion lai Inter Milan chuan season liam ta Europa League champion Atalanta chu 4-0 in an sawp. San Siro-a inkhelah Atalanta defender Berat Djimsiti-a'n a lamah a tilut a, Inter tan Nicolo Barella-a'n khung belhin second half-ah Marcus Thuram-a'n goal hnih a khung belh.

Inrinni zan inkhelah Inter-in bul an ṭan ṭha a, minute thumna lekah Thuram-a cross chuan defender Djimsiti perin goal-ah a lut nghal. Italian midfielder Nicolo Barella-a'n a theihna sang tak a pholang a, box pawn chiah aṭangin mawi zetin minute 10-naah a volley goal.

Second half-ah Inter bawkin bul an ṭan ṭha a, minute 47-naah Thuram-a'n box chhung buai deuh karah a pet goal. French forward Thuram a che ṭha chhunzawm a, minute 57-naah goal hnihna leh Inter goal lina a khung.

Simone Inzaghi hote hian league match hmasa berah Genoa nen inhnehtawk mah se Lecce leh Atalanta te hnehin table-ah hmahruaitu an ni mek. Nizan khan Juventus-in Roma an mikhual a, Turin club hian hnehna an chang a nih chaun pakhatnaah an awm thei ang.