Ibra hat-trick hmangin PSG in hma hruai

Kartawp inkhelah Paris St Germain chuan Zlatan Ibrahimovic-a hat-trick hmangin Lo­rient an sawp a, inkhel dangah hmahruai mek tu Olympique Lyon chu Nice lakah 2-1 a an tlawm avangin PSG chu French Ligue hmahruaitu thar an ni.

Mtach 30 khelh tawh aṭangin PSG hian point 59 hmu tawh in hmahruai tu an ni a, an hnuai chiah­ah point 58 hmu tu Lyon an awm mek. Match riat khelh tur ala awm avangin champion tur inum boruak hi ala sang chho zel dawn a ni.

Pa dangdai tak Ibra hian tun hnaiah chanchin duhawm lo tak tak a nei a, Champuions League-ah Chelsea nen an inkhelh ṭumin hnawhchhuah a ni a, match khat khel lo tur a hrem a ni. Hemi hnu hian Bordeaux an hneh loh ṭum in refree Lionel Jaffredo chu ṭawngkam mawi lo tak a a sawisel avangin French sports minister Patrick Kanner chuan ngaihdam dil tur in a lo ti hial tawh. Tunah erawh goal thum khung in a team te chu hma a hruai pui leh ta.

Lyon stadium Stade de Gerland-ah Nice defensive midfielder Lloyd Palun chu second half ṭan tirhah hnawh chhuah ni mah se player pakhat a tam zawk Lyon 2-1 in an chak lo. Nice tan Carlos Eduardo chuan goal hmahruai khung in Lyon tan Maxime Gonalons chuan penalty aṭangin a sut a. Hun tawp hma hret in Valentin Eysseric chuan penalty aṭang vekin an chakna goal a khung ta a ni.

Lyon coach Hubert Fournier chuan, "Hun pawi­mawh takah point thum kan hlauh avang hian a pawi hle, ka player senior ṭhenkhat an khelh theih loh avangin player naupang zawk te an luh a ngai. Nice kha tlak hlau a khel an nih tawh avangin inkhel boruak a sang a, kan palyer te tawnhriat la ngah lo deuh kan tuar a ni," tiin a sawi.