Dortmund an chak

Borussia Dortmund-in Bundesliga lama an harh tharna chan an chhunzawm zel a, inrinni zan khan khualmualah kim lo chunga khel Hannover 96 chu 3-2 in an hneh. Kumin kum tir lama relegate thei mai dinhmuna ding kha tunah chuan sawm naah an in vawrh chho leh ta.

HDI Arena-a inkhelah hian Dortmund tan striker Pierre-Emerick Aubameyang chuan goal hnih khungin Shinji Kagawa chuan goal khat a khung bawk. Dortmund tan Marco Reus a khel ṭha a, Aubameyang leh Kagawa goal thun tur hi a siam sak ve ve a ni.

Hannover 96 mid­fielder Leonardo Bitten­court chu yellow card vawi hnih hmuh vanga hnawh chhuah a ni. Khelmual neitu Hannover tan Lars Stindl chuan goal hnih khung ve mah se a team a chakpui zo ta chuang lo a ni.

Dortmund defender Neven Subotic chuan, "Table-a kan hnuaia awm lakah point thum kan hlawh chhuak a, tunah chuan dinhmun sang zawka awm kan tum. Season thara Europe-a inlan leh ngei kan duh a ni," tiin a sawi.