Ramengmawia a champion

Lunglei HPC North East Invita­tional Tennis Tournament chu March 20 khan khelh zawh a ni a, Mizoram No. 1 Ramengmawia, Ngopa Tennis Club (NgTC) chuan a zawna ṭum hnih champion dinhmun a luah tawh loh hnuah insiamṭhain, final-ah straight set-in a chak.

Ramengmawia hian final-ah Mi­zoram pum huap tennis tourna­ment hnuhnung bera champion Mizoram No. 2 Innocent Lalrindika, Aizawl Tennis Club (ATC) chu 7-5, 7-6 (12-10) a hnehin Mizoram No. 1 a nihna a sawh nghet.

Women's single-ah Thenzawl Tennis Club (TTC) chhuanvawr HT Lalengmawii chuan a thlengtu Lunglei District Tennis Association (LDTA) player Sandhya 8-2 a hnehin a champion a ni.

HT Lalengmawii hi Mizorama hmeichhe tennis player zingah khing zo an awm meuh hrih lo.

Men's doubles-ah Innocent Lal­rindika leh Hmachhuana ṭangdunin Lalrinawma leh Ramengemawia te hnehin an champion.