Spurs-ah striker thar Janssen

Tottenham Hotspur chuan AZ Alkmaar aṭangin Dutch striker Vincent Janssen an lalut. Season hman zawh taka Johan Cruyff Trophy (Eredivisie young player of the year) chawimawina dawngtu manah hian pound maktaduai 17 an inseng a, kum li chhung White Hart Lane-a cham turin contract an ziahpui.

Kum 22-a upa striker hian season hman zawh takah khan AZ Alkmaar tan league match 34 a inlanah goal 27 a khung a, Dutch league-a goal khung hnem ber niin inelna hrang hrangah match 49 inlanin goal 31 a khung bawk.

Tottenham hian Jans-sen an lakluh hma hian Southampton midfielder Victor Wanyama chu pound maktaduai 11-in an lo lalut tawh bawk a, Paris St-Germain leh German club Wolfsburg pawhin lakluh an duh Janssen hi tun nipui bazar-a an player lakluh pahnihna a ni.