Sum tamna ber tur US Open

Kumina Grand Slam tournament hnuhnung ber tur US Open mipa leh hmeichhe single champion lawmman chu tih pun a ni dawn a, tennis inelnaa sum tamna ber tur a ni ang.

Hard court tournament-ah hian nikum lam kha chuan single champion hian dollar maktaduai 3.3 (Rs 22,15,-94,835) an dawng a, kuminah chuan dol-lar mak-taduai 3.5 (Rs 23,50,24,825) an dawng tawh dawn a ni.

Thawhlehni khan US Tennis Association chuan kumina an sum hmanral tur zat hi an ti chiang a, a pumpuia sen ral tur hi dollar maktaduai 46.3 (Rs 3,10,90,42,685) niin nikum aia a punna zat chu dollar maktaduai 4 (Rs 26,85,59,800) a ni ang.

USTA president leh U.S. Open Chairwoman ni bawk Katrina Adams chuan tournament official website lamah thuchhuah siamin, "Lawmman sem tam ber kan ni thei tur hi kan lawm a, he inelna hi world-class a nih vang leh player leh fan-ten a ngaih-lut a, hma a sawn zel theih beisei vang a ni," a ti.

US Open hi August 29 aṭang hian Flushing Meadows-ah khelh ṭan a ni leh dawn a, mipa champion lai chu world number 1 Novak Djokovic niin Flavia Pennetta chu hmeichhe champion lai a ni thung.